साहित्य - दोन वाट्या बेसन, अर्धी वाटी साजूक तूप, दीड ते दोन वाट्या पिठीसाखर, अर्धा चमचा अगदी बारीक केलेली वेलची व जायफळाची पूड, थोडेसे दूध, अर्धी वाटी मैदा, दोन वाट्या कणीक, मोहनासाठी थोडे जास्त तेल, चवीपुरते मीठ.
कृती - जाड बुडाच्या कढईत आपण लाडूसाठी जसे बेसन भाजतो अगदी तसेच तुपात गुलाबी रंगावर भाजून घ्या. गॅस बंद करून बेसनावर दुधाचा हबका मारा. हलवून थंड होऊ द्या. त्यात वेलचीची पूड व पिठीसाखर मिसळून ठेवा.
कणीक व मैदा मैद्याच्या चाळणीने चाळून घेऊन मीठ घालून अर्धा तास भिजवून ठेवा. पोळी करण्यापूर्वी तेल घालून तो गोळा खूप मळून घ्या. अगदी मऊ झाला पाहिजे. हाताने छोट्या गोळ्याची वाटी तयार करून त्यात गोड बेसन भरा. सर्व बाजूंनी व्यवस्थित बंद करून हलक्या हाताने सुकी कणीक लावून लाटा. दोन्ही बाजूंनी खरपूस भाजा. ही पोळी अगदी पुरणपोळीसारखीच लागते.
No comments:
Post a Comment